3.9.2010
Vetrarstarf Selsins farið af stað!
Frábæru sumri í Selinu er lokið og vetrarstarfið hafið. Fyrstu tvær vikurnar hafa verið gífurlega skemmtilegar og krakkarnir eru duglegir að finna sér eitthvað að gera. Veðrið hefur leikið við okkur og þar af leiðandi hefur verið talsvert um útiveru.
Selið er með sama sniði og áður, börnin byrja á að snæða létta hressingu og velja sér svo svæði eftir því hvert áhuginn leitar þann daginn. Þar leika þau sér til rúmlega fjögur nema ef þau kjósa að skipta um svæði en klukkan hálf fimm sameinast öll börnin í útiveru. Milli hálf fjögur og fjögur bjóðum við upp á ávexti sem vekja ávallt mikla lukku.
Íþróttaskóli KR hefst í komandi viku og verður í hverri viku framvegis. Þá verður fyrsti bekkur í íþróttum á þriðjudögum og fara í þremur hópum frá 14:10-16:30. Öðrum bekk verður líka skipt í þrjá hópa, tveir hópar munu fara á fimmtudögum frá 14:10-15:40 en þriðji hópurinn mun fara á föstudögum klukkan 15:20-16:00. Við munum senda tölvupóst með hópunum.
Do Re Mí fer einnig af stað á mánudaginn 6. september og verður á mánudögum og fimmtudögum.
Ef þið hafið einhverjar spurningar þá eru símanúmerin okkar neðst á síðunni og netfangið okkar er selid@itr.is. Ekki hika við að hafa samband!
Með von um góðan vetur,
starfsmenn Selsins