BARNAMET
Hugmyndin með Barnametum er að börnin læri að vinna saman, setja sér takmark og ná því. Þarna fá börnin viðurkenningu á sinni sköpunargáfu og fái að vera "best" í einhverju á þeirra eigin forsendum.
Fyrsta metið
Miðvikudaginn 28. október var sett met í "skutlukasti" þar sem 120 börn köstuðu skutlum á sama tíma á fótboltavellinum.
Annað metið
Þriðjudaginn 2. febrúar var búinn til stærsti snúður sem vitað er um, eða um 80 cm í þvermál. Hann var búinn til í kjallara Skýjaborga.
Þriðja metið
Fimmtudaginn 18. febrúar var heimsins lengsti krítaði ormur gerður í kringum Vesturbæjarskóla. Það voru öll börnin í bæði 1. og 2. bekk sem bauðst að taka þátt í að kríta orminn. Það fór fram í útivistinni og það má sjá skemmtilegar myndir af barnametunum á heimasíðunni í myndaalbúminu.